Динамика
Како да станам корисник на електронско/мобилно банкарство?
Посетете некоја од нашите експозитури каде ќе пополните барање за користење на електронско и мобилно банкарство. По поднесување на барањето добивате еден активациски код на е-маил и втор активациски код како СМС порака за да може да се регистрирате како корисник на мобилната апликација.
Не можам да завршам со регистрацијата, ми дава грешка.
Мора да имате активна барем една заштита за користење на вашиот уред, пример ПИН, Pattern (поврзување на точки), отклучување со оттисок, препознавање на вашето лице. Доколку немате ниедна заштита, мора да ја избришете апликацијата, да сетирате заштита на Вашиот уред и повторно да ја симнете апликацијата
Трипати го згрешив ПИН-от, не можам да се најавам.
Вашето електронско банкарство е блокирано. Ќе морате да не контактирате на е-маил info@altabanka.com.mk или на тел. броеви 02/30 87 007 , за да го поминете повторно процесот на регистрација.
Од каде да ја симнам мобилната апликација за електронско банкарство?
За корисници со Android оперативен систем, на линкот Play Store, додека за корисници со IOS оперативен систем, на линкот Apple Store.
Успешно се регистрирав, како да се најавам на моето електронско банкарство?
Ја отварате Веб страницата на електронското банкарство и може да се најавите на неколку начини: Со скенирање на QR код доколку се најавувате на компјутер или лаптоп Со PUSH, односно со внесување на Вашето корисничко име (пратено на е-маил) и лозинка (привремена лозинка пратена по СМС) Со Токен, каде токенот и еднократната ОТП лозинка може да ги видите во мобилната апликација, кога ќе кликнете на копчето mToken. Со PKI токен ( USB токен издаден од КИБС со валиден сертификат).
Како да се најавам со опцијата скенирање на QR код?
Ја отварате Веб страницата на електронското банкарство на Вашиот компјутер или лаптоп и во делот за најава одбирате QR. На Вашиот мобилен на кој ја имате инсталирано апликацијата кликате на копчето “Најави се”, го внесувате Вашиот ПИН, и со камерата го скенирате QR кодот од Веб страницата. Кликате на копчето Одобрете на мобилната апликација, го внесувате Вашиот ПИН, и веќе сте логирани на Веб страницата која ви е отворена на Вашиот компјутер или лаптоп.
Како да се најавам со опцијата PUSH?
При првото најавување, во полето за корисничко име, внесете го Вашето корисничко име кое го добивте на е-маил, а во полето за лозинка внесете ја еднократната лозинка која Ви стигна по СМС на Вашиот мобилен телефон. Ви се отвара екран каде треба да внесете Ваша трајна лозинка. По внесувањето на трајната лозинка, ќе добиете нотификација на Вашиот мобилен телефон каде треба да ја потврдите Вашата лозинка.
Како да се најавам со опцијата TОКЕН?
Ја вклучувате мобилната апликацијата и кликате на копчето mToken. Го внесувате Вашиот ПИН, или користите за биометрија на Вашиот мобилен уред. Кликате на Генерирајте еднократна лозинка ОТП. Ја отварате веб страната на електронското банкарство и одбирате Најава со ТОКЕН. Во полето Ваш Токен го внесувате ТОКЕН серискиот број кој го гледате од апликацијата, а во второто поле ОТР код го внесувате 6 (шест) цифрениот ОТР код. ОТР кодот е временски ограничен, внимавајте кога го внесувате, да не истече во меѓувреме неговата важност.
Како да се најавам со опцијата PKI?
На веб страницата одбирате најава со PKI. Го превземате упатството со име: Водич за инсталација на PKI и ги следите чекорите од упатството.
Го променив телефонскиот уред, не можам да пристапам до мобилно и електронското банкарство.
Заради безбедност, мобилната апликација функционира само на еден телефонски уред. Доколку го замените уредот, ќе морате да не контактирате на е-маил info@altabanka.com.mk или на тел. броеви 02/30 87 007 , за да го поминете повторно процесот на регистрација.
Не ми стигнува вториот код по СМС порака, како да продолжам со процесот на регистрација?
Проверете дали сандачето на Вашиот мобилен уред е можеби преполно и нема повеќе простор за нови СМС пораки. Дали телефонскиот број кој сте го пријавиле во банката е ист со тој кој го користите во моментот. Побарајте помош во некоја од нашите експозитури, на е-маил info@altabanka.com.mk или на тел. броеви 02/30 87 007.